Procyon lotor
nimi pi soweli ni li soweli Kaman Lakun (common raccoon). ona li tan ma Na Amelika. taso la ona li lon ma ante kin. ona li lon ma pi kasi suli lon ma pi kiwen suli lon ma pi tomo mute. linja ona li suli mute la lete la ona li ken awen seli. ona li jo e luka wawa la ona li ken alasa e kala kepeken luka ona. ona li moku suli e pipi e kasi li moku lili e soweli e kala. ona li lape lon tenpo suno.
Procyon pygmaeus
nimi pi soweli ni li soweli Kasume Lakun (Cozumel raccoon). ona li lili tawa soweli Kaman Lakun. ona li tan ma Kasume la nimi ona li nimi ona. ona li lon ma pi poka telo. jan li sona lili e ona. ona li moku e pipi kasi pi selo kiwen e kili e akesi e pipi. kin la ona li moku e jaki tan jan. jan la nanpa ona li kama lili.
Procyon cancrivorus
nimi pi soweli ni li soweli Ka Itin Lakun (crab-eating raccoon). ona moku suli e pipi kasi pi selo kiwen la nimi ona li nimi ona. taso la ona li moku e pipi e kala e kili kin. ona li tan Sa Amelika. ona li lon ma telo pi kasi suli. luka ona li ken mute kipisi. ona li wile wan lon tenpo mute la ona li lon kulupu ala. linja ona li loje tawa soweli Kaman Lakun.